Transcription
1
Monsieur, jay rendu bien fort souvent tesmoniaige de vous à Notre St Pere, et
2
nay failly de luy faire entendre les honnestes offres que vous m'aviez faictes pour
3
le bien de son service, desquelles il ne vous a pas recogneu comme jeusse
4
bien desiré. Mais si est ce que cest beaucoup davoir pourveu a une
5
abbaye sans privation precedente et estant seculière la donner à ung
6
religieux, masseurant que puis quil ne vous a remis que la moitié des
7
fraiz pour ceste heure, quelque autre occasion se presentera de faire mieulx,
8
et cependent, puisque par voz lettres du XXVIIIe du passé qui me furent
9
rendues hier vous m'en demandez mon advis, il me semble que vous en
10
devez faire bonne lettre de remerciement qui soit en françois, attendu que le
11
roy escrit ce mesme langaige et que les princes escrivent aussi en françois
12
et pour le regard de notre tresve avec monsieur de Montbrun, il se courousse
13
quant je ne luy fais fournir les huict mil livres qui ont esté promises,
14
mais daultant que depuis notre accord ses hommes ont couru et faict
15
plusieurs ravaiges et quil ne rend pas Modene en lestat quelle estoit
16
lors de sa prinse comme les articles portent, je ne veulx entrer
17
en aucune execution dudit accord que telz excez ne soyent reparez, masseurant
18
que je ne puis esperer rien de mieulx à ladvenir que ce qui a esté faict
19
sur le commencement, oultre que dans quatre ou cinq jours, monsieur le marechal
20
sera resolu si la conferance se doibt faire et que ce me sera ung grand
21
advantaige dentendre si vous prorogerez votre suspention dont je vous
22
prie madvertir, afin que tous allions dun mesme trin, et que la bonne
23
intelligence accomode noz affaires. A quoy jadjousteray que je ne cuyde
24
pas qu'il soit possible d'establir une bonne et ferme paix tant quil sera
25
permis à ceulx de la religion de courir pour les contributions, qui est cause
26
quil me sembleroit très expedient de les changer en quelque façon qui
27
napportast point tant de maulx comme lesdites contributions, de quoy touttesfois
28
[99 v°] je me remectz à votre prudent et saige advis et pour le regard des [nouvelles de]
29
la court, je n'en ay sinon quelque bruict qu'il se faict de la [mort de]
30
la royne, et que nous aurons à Lyon le roy dans peu de temps [qui]
31
me semble nous estre bien utille et je le desire comme des[tre]
32
en votre bonne grace, à laquelle je me recommande bien affectueusement
33
et de bon cueur et prie Dieu de vous donner
34
monsieur, en bonne santé heureuse et longue vye. D'Avignon, le
35
IIIIe de febvrier 1574.
36
Votre plus affectioné et mellieur
37
à vous honorer et servir comme frere Card.
38
D'armaignac.